taronga zoo...

...gigantisch

huet bini im taronga zoo xi (noed tangorra;). vom circular quay us mitem schiff erreicht mer de zoo i oepe 12 minute... vo det us gahts denn mitere seilbahn witer (wobii mer de zoo au vo unne her cha alaufe, aber das choennt ja no astraengend sii;). somit haemer die zoo tour vo obe her gstartet...

hmmm, weiss gad gar nuem wie witer schriebe, de zoo haet so viel z'buete gha... da isch eifach alles debii xi! klaaaar haets kei iisbaere gha oder weiss ich was fuer chaeltetier, aber intressiert die mich? han ja schliesslich kei winter... hmmm, schneits scho? ;)

s'erste wos z'xeh geh haet sind koala baerli xii. ja ja, moeged ja scho herzigi tierli sii, aber was das fuer fuuli tier sind, haend mer gfalle... ;) de zoowaerter haet ne d'aest sogar no muesse uf de baum ufe (so quasi) "binde" die hettet ihre a..... glaub kein meter bewegt fuer echli z'fraesse, unglaublich! heehee uf all faell schlafed die oepe 17 stund oder so vom tag, waenn noed no meh...

witer ischs gange mit de australische tierwelt, wobii das nonig s'kaenguruh xii isch, sonderns wallaby (foeteli). es xeht us wie es kaenguruh, isch allerdinx viel chliener und au weniger gfoehrlich, so haet mer bi denne eifach choenne is gheg inne und die vo noechem erlaebe... s'kaenguru haets denn erst am schluss geh, wobii au die raecht fuul sind, viellicht isch das ja d'eigeschaft vode australische tier, sie gfallt mer uf all faell... ;)

naja, es sind uf all faell noed die einzige australische tier xii... wobii mer da scho bide schlange waehred! also ja, was gits da z'saege, han bi de einte oder andere scho nomal muesse nahluege uf de weltkarte wo das es die git... ;) aber mal luege oebi mal no einere ueber de weg laufe, choennt ja guet sii... heehee

natuerlich haets au en afrikanische part gha idem zoo, aber das afrikanische watherhole (so wie sie de teil im zoo gnaennt haend) isch natuerlich noed z'vergliche xii mitere safari in kenja wieni si das jahr scho erlaebt han... ;) aber isch glich spannend xii zum die tier mal in aller rueh us noechster noechi z'besichtige! heehee

de bsuech bide giraffe und zebra's isch sehr speziell xi, die sind gnau richtig opere huus und harbour bridge usgrichtet xii mit ihrem platz, haet uf all faell mega foeteli geh! es isch allgemein en sehr spezielle zoo, er lieht wuekli gad am wasser und mer xeht ab und zue mal wieder die zwei sehenswuerdigkeite sowies s'meer! die asiatische elefante sind so zimli s'neuste im taronga zoo.

fuer die wos nochli gnauer waennd wuesse wo sich de zoo befindet und was er alles fuer tier buetet hani da no de link, viel spass: www.zoo.nsw.gov.au

sooo, i noechster ziit wirds daenki wieder chli meh z'ghoere geh vo mir... da ich vorussichtlich nur no bis am noechste mittwuch in sydney bliebe und denn fuer paar taeg nach katoomba (ghoert eig au no zu sydney, isch allerding 2h mitem zug vo sydney us richtig landesinnere) gah zum d'blue mountains z'bsueche! das heisst dasi die letste paar taeg sydney no gnuesse und no s'eint oder ander "spektakel" wird bsueche. daenke da das de zoo nur en chliene vorgschmack xii isch uf das wo no wird cho...

macheds guet und bis bald...!

champions league...

...mal chli anderst

jaja, es isch halt glich no i mim herz, de fussball, au waenis zur ziit noed usfuehre chan... so luegis halt wenigstens im tv! :) zwar chli ume anderi ziit aber das macht s'ganze nochli spezieller... ;)

under speziell verstaht sich das ich halt chli fruahner ufstah muess als susch (um gnau z'sii bini amel am 6:30h ufgstande)... daenn id sports bar und los chas gah! heehee

celtic-manchester sowie bremen-chelsea sind die bede live uebertraegige xii... hauptsach fussball, wobii, chli meh goal heteds scho doerfe sii! janu, defuer isch das eine um so schoener xii... ;)

ja aber fussball isch bekanntlicherwies noed alles. noed wahr? :) bi mir isch sowit alles klar und mir gats guet. morn no s'letst mal id schuel und denn mal luege wies witer gaht... es sind zur zit mehreri variante vorhande, vo schaffe (intressiert mi scho mal no wie das da unne abgaht), ueber ei wuche strandferie bis zum gedanke as witer reise...

meh wotti eu aber noed verrate und lah eu mal chli heiss werde... heehee, oder haender scho schnee? nee das glaub noed oder? also in sydney ischs im schnitt oepe um die 30 grad ume, also zimlich warm... und das soell au so sii! ;)

wuensch eu allne witerhin e gueti zit und mer ghoert sich!!!

manly beach...

...from the bondi to the manly

ja huet bini ade manly beach xii, gibs zue. ;) da's ehner chli e spontani aktion xii isch hani leider mis badzueg noed debii gha, aber egal... es haet sich glich glohnt. zum ad manly beach z'cho muss mer allerdings d'faehre neh, mit dere "schwuemmt" mer denn oepe e gueti halb stund, und mer xeht sydney mal vome andere blickwinkel...

das isch d'manly beach! im gaegesatz zur bondi beach isch d'manly beach viel laenger. chunnt dezue das es ade bondi windiger isch und somit au die groessere waelle vorhande sind... defuer cha mer ide manly beach relativ wiit use laufe, wo de grund halt ide bondi beach scho nach wenige meter steil sinkt! waemer das so cha saege... :)

mir persoenlich gfallt d'bondi beach besser, isch schwer zum begruende, viellicht muss mer das eifach erlaebt gha ha... :) d'manly beach daenki isch ehner zum chli relaxe, wobii au da sportagebot noed fehlt, seg das mit surfe, beachvolleyball usw.
aber ich wird sicher noed s'letst mal det xii si, wird scho mal no welle ad manly beach go bade... :)

huet halti mi mal chli churz mit mim bricht, wird es anders mal sicher wieder meh zum laese geh... ;) macheds guet und bis bald! und ja, waenn susch no oeper es bett in sydney wott nur melde! gaell matschiii, dies bett isch denn reserviert... :)

"ONE AND FIVE YEAR'S AGO, I THINK OF YOU AND I NEVER FORGET YOU, YOU'RE FOREVER IN MY HEART!"

bondi beach...

...unglaublich

huet namittag han ich mich mal uf de waeg zur bondi beach gmacht. ich han also mini siebe sache packt (also eig sinds nur s'badtuech, d'sunne-creme, e flaesche sprite, min ipod und mini m&m's xii...;) und los gahts... es isch ja noed s'erste mal xii dasi ad bondi beach bin, aber s'erste mal woni go bade gange bin.

also han ich min ipod i mini ohre kloefpt und bin mit de metro nach bondi junction gfahre, die isch 2 statione vode kings cross entfernt und mer fahrt oepe 5 minute... hmm, isch scho e geils gfuehl waemer eifach mitem sound ide ohre cha dur d'city laufe oder ebe d'metro benuetze ohni das mer oeper muss froege und sich als "tourist" muss usgeh... heehee

vo det us bin ich denn mitem bus (nr 380/381) witer, gaht oepe 12 minute und denn xeht mer die weltberuehmt kueste scho... :) was halt isch, es isch zimli windig, aber mer ghwoehnt sich dra. und die welle, eifach z'geil xii... also irgendwenn wird mer denn schono es surfbrett muesse schnappe und das mal usprobiere.;) die waelle sind sicher bis 3 meter hoech xii, also echt genial xii... "alpamare isch en schiessdreck degaege" heehee, logisch oder? :)

ich wotts mer aber noed entgah lah au mal ad manly beach, die isch noed so bekannt wied bondi beach, muess aber fast schoener sii hani ghoere saege... aber fuer de trip bruchi denn chli laenger zit als nur en namittag, das mer doch chli laenger mit de metro fahrt und nur mit de faehre a die beach glangt...

han eu da mal no es foeteli mit mueh und not ufeglade, isch halt eis ussem internet, da die vode cam es z'grosses format haend und ich die a dem compi noed cha aendere... :( aber ich wird bestimmt mal choenne es paar foeteli choenne apasse und denn au is netz stelle, gaebed mer nochli ziit... :)

also mer ghoert sich, und ja ich freu mich au ide 2. wuche immerno ueber d'comments us de schwiz, also gaebed chli gas, ich gibs ja au... :) bis bald...

crazy people...

...aber voll

also was mer da unne noed alles fuer luet xeht, unglaublich. die kaenned echt nuet, leged a was ihne gad passt, und au waenns eigentlich vode zaemesetzig noed passt, legedses glich ah... oeb raege oder sunne... daenke das isch en punkt wo mir schwiizer eus no choennted e grossi schiebe abschniede. da wird mer au noed bloed agluegt oder weiss ich was... :)

aber gnau so usgflippt wies sind, gnau so hilfsbereit sinds au... also waenn de bus volle isch, und es stiegt en alte herr oder e alti dame, stoend denn die junge sofort uf und mached platz.! weiss ja noed waenni das in zh oder susch wo z'letst xeh han... wobii ich weiss au nueme waenn ich z'letst in zueri tram gfahre bin... heehee aber au waenn mer de australier uf de strass nach oepisem froegt, die naemd sich wuekli ziit (klar gits au die ohni ziit) und helfed eim... was halt isch, sie reded gern luut, weiss noed oeb das am englisch lieht aber waemer oeper (chunnt ja au no chli ufd person druf ah) anere rote ample froegt, weiss nacher so zimli jede wo am warte xii isch was ich sueche... hehee, also so isch es mir letsti ergange... :)

was es natuerlich au bi 4,4 millione iwohner git isch e gwuessi armuet, und die xeht mer uf de strasse... aber ich daenke das isch i jedere grossstadt so! aber es waer noed so das die luet sich irgendwie brutal negativ uffuehred oder susch was...

da chunnt mer gad e lustigi gschicht in sinn wo mer die wuche passiert isch: ich bi am abig id stadt und bi mal chli dur d'strasse gschlaenderet... ploetzlich chunnt eini zu mir miteme riese lache. nacher verzellt sie mer sie gfindi ihres auto nueme, sie hegis taxdur innes parkhuus gstellt und findi's nueme. uf das abe haemer denn beid mal chli muesse schmunzle... :) sie haet denn au chli hochduetsch gred, aber nur broche. uf all faell froegt sie mich oeb ich echt noed en $ hegi fuer sie fuer e schlafstell... klar han ich denn mis muenz zaeme gno und ihre 70 cent geh, han gad noed meh muenz gha... sorry lady... uf all faell hani kei ahnig oeb das nur es rolle spiel xii isch vo ihre oder oeb sie ihres auto wuekli nueme gfunde haet (vode chleider her haets noed nacheme rollespiel usxeh), sie haet scho xeit sie segi vo melbourne cho u.s.w... also glaub ichs ihre jetz mal:)

ja das waer mal so de ersti idruck xii... hoffe ich han eui wartezit chli entschaedigt!? :) und waenn er susch e frag haend choennder ja mal schriebe... ;) mached guet und bis bald...

my first week in sydney...

...hello everybody

ja so isches, mini erst wuche ghoert jetz denn de vergangeheit a. schnell ischs verbii, eigentlich... klar gits au die moment wos eim lang vor chunnt, aber das isch glaub ueberall chli so... :)
ihr froeged eu sicher was ich denn die ganz wuche mach. also die wuche bini so zimli jede tag id stadt, mal det hii, mal det hii... zum teil ziellos und maengmal glich mit gwuesse absichte. und au waenn die absichte oder ziel noed immer gad erreicht worde sind, ischs en tag spoeter denn tatsach worde... ;)

wie zum bispiel gester, xuecht hani e sprach schuel... gfunde hani 3, allerdings gschlosseni... ha wohl glich chli z'lang gha zums gfinde, aber ich han ja de ziit. wenigstens hani gwuesst wos sind und bin den huet nomal verbii, allerdings bini gad bide erste "hange bliebe"... ;) haend mer gad en test geh zum usfuelle, und siehe da, de letsti platz hani gad no becho... das heisst: ab em maentig (13-11-06) druck ich sit langem wiederemal d'schuelbank! das fuer 2 wuche jewils vom 9:15am bis am 12:15pm (23:15h bis 2:15h MEWZ)... waehrend ihr am schlafe sind bin ich denn heimlich am englisch lerne... heehee

i was fuere zit laeb ich eigentlich? i de gliche wie ihr, nur bin ich 10 stund vorus --> MEWZ plus 10h!
waenn ihr oepe ufstoend, gang ich no lang noed go schlafe, und waenn ich ufstahn goend ihr oepe is bett... jetz choennd ihr eu mini "wake up" und bettzite saelber usmale! ;) wobii sich die ab naechst wuche sehrwarschindlich wieder chli aendere werdet, aber isch scho guet so... git chli en gregletere tagesablauf als jetz... :)

apropo ufstah und is bett gah, han eu ja nonig mal vo mine zimmer "kompane" verzellt... also am afang isch no es schottischs paerrli drin xii, mit dene bini denn au ab und zue underwex xii, aber die z'verstah isch no recht schwer xii, haend en recht haerte akzent gha. aber mit haend und fuess isch denn alles gange. :) die sind denn aber mitti wuche witer gange... und daenn wer da no de neu seelaender wo urspruenglich vo china isch, also sini eltere sinds und somit xeht's mer ihm au ah! :) de isch anschienend scho sit 3 moenet da, schafft und schlaft... entweder isch er am schlafe oder denn am schafe als baecker, aber isch ganz en flotte... huet haemer en internationale waeschtag gha, sind gad glichzitig go waesche. und ja, die wo jetz mit bloede spruech waennd cho, ja ich ha mini chleider no und nei sii sind mer noed z'chlii... heehee

aja, han ich eu scho xeit wer ich die wuche xeh han? heehee, jetz aber: ricky ponting!!! seit eu noed viel? isch mer au so gange... heehee, das isch de captain vode australische cricket mannschaft! da stuuneder hae? =) er haet e autogrammstund geh voreme ichaufszenter... laeck wie die luet agstande sind! oepe 60 meter lang isch die schlange xii, und oepe 2 mal unterbroche, will ja d'luet glich no i anderi laede haend welle (die schlange isch am block entlang, und somit chli unguenstig xii fuerd nachberlaede vom zenter)... ich han de historisch moment denn glich gnuetzt und es foeteli vonem gmacht, au waenn kein schwein weiss wer das isch... :)

also mini liebe, ich wuensch eu mal e schoens weekend und hoffe wieder uf es paar kommentaer us de schwiz, freut mi natuerlich immer wieder... foeteli chani eu leider no kei bringe, chan da unne kei foeteli ufelade, aber sobaldi mal anen moderne laptop chume wirdi d'chance nutze... :) bis bald und bliebed suuber...

my first day's in sydney...

...eifach riesig die stadt

nachdem ich zerst eifach mal id stadt bin, mal s'operehuus und d'harbour bridge go aluege und mich somit z'vergwuessere dasi au in sydney bin, han ich denn mal "mini" bondi beach xuecht... ;) und gfunde, laeck isch die geil, aber s'wetter haet echt noed passt! janu, ich suech mini erst station glich mal da unne... et voila, nach (eig) langem sueche haets denn glich no oepis geh (bi sogar no mal is internet go adresse usse sueche=)... allerdings muess au xeit sii das es ade bondi beach relativ tuer isch, aber mal abwarte...

mis erste zimmer hani denn mit 3 israeli teilt, voll zwaeg xii die burschte (sind eig elter xii als ich aber isch ja glich)... de abig isch schnell ume xii und no schnell sind mini auge zue xii, aber gad schlafe hani glich noed choenne... :)

mittlerwiele bini aber nueme ide bondi beach, d'jahreszit stimmt nonig ganz und somit bini is stadtinnere umzoge, genauer xeit "kings cross" (direkt nebed de metro-station, falls mal oeper wott verbii cho). da gits bis am 93oh gratis z'morge und's internet isch au no free... (wuer ja susch glaub noed sonen lange bricht geh... nei seich=) zudem zahli da gad mal oepe 15 chf, sinds doch ide bondi no 26 chf xii... und denn ohni z'morge und ohni internet... bin ja scho chli en tourist, aber kein dumme! ;)

die noechste taeg wird ich mich denn mal chli ufd suechi nachere schuel mache... also eigentlich gats ja scho guet mitem englisch, schliesslich han ich gester am flughafe in sydney mit eim 1o minute lang englisch gred... bis ich xeh han das er en duetsche pass haet... ;) janu, wirds no es paar mal geh... aber es brucht schono chli oepis bi ich mies englisch ufgfrischt han, da wird e schuel gad richtig sii... hoffi mal... =)

fuer alli wo mir mal es sms wennd schicke und au eis zrug wennd hani da mal e nr: 0061/406612174 vo dere nummere us chostet mich es sms i die ganz welt no 25rp, weltklass hae... und die wo gad direkt wennd froege wies wetter isch (und viellicht wies mir gaht;) choennd mer natuerli au aluete, mich wirds nuet choste.. ;)

macheds guet und mer ghoert sich...

bye bye

my-keey

ich in australie...

...die reise und der erste schock

woni am dunnstig abig uf flughafe bracht worde bin, isch scho chli e murmlix gfuehl vorhande xii, schliesslich sind mini letste stunde ide schwiz zellt xii... de abschied isch noed liecht gfalle, ueberhaupt noed, ich daenke s'schlimmste dra isch, dass ich am andere end vode welt bin, und das 4 moenet lang! aber au de abschied haet mich nueme dra choenne hindere das abentuer uf mich z'neh, au wenns recht weh tah haet...

in chloote isch denn das ganze zimli schnell gange, und es haet au lueuet gha wo anschienend kei zit gha hend, so haets bim ichecke eine geh wo eifach d'abschrankig uf d'zite tah haet und an schalter isch... aber das haet mich denn noed gross kratz, bin ja schliesslich de noegst xii, hehe=) uf all faell han ich denn de feini herr glich no atroffe, und zwar als min flugnachber... "guet haesch nuet xeit my-key" hehe

also de fluug nach dubai isch ja ganz legar xii, bi gad ide erste reihe vode 2. klass xii, somit hani mini bein chli choenne laenger mache als die wo hinder mir gsaesse sind... defuer haets links und rechts vo mir jewils es chlichind gha... jaja, die moeged ja am afang schono herzig und joeoeoe und alles sii, aber haet mer mal welle schlafe isch entweder das links oder denn das rechts am schreie xii... =) janu, irgendwenn isch denn au bi dene de akku dunne xii und ich ha mini 2-3 stunde schlaf no gfunde... :)

in dubai ischs denn zimli schnell gange, aso verallem isch scho morge am 6i xii, das hingege isch mer denn es bizli zu schnell gange... ;) uf all faell han ich de denn zimli schnell mis gate gfunde gha und nochli ziit gfunde zum umetorkle, was mer det noed alles xeht... also im endeffekt hani eifach muesse saege die huere scheiche haend z'viel geld... ja ja, entweder mer haets oder mer haets noed... =)

nach 3 stund warte isch es denn witer gange, next stop sydney... das mal aber 3. reihe, schaaad aber mer cha ja noed immer alles ha... oder doch? es riiiiiese agebot a underhaltig, unglaublich... vo the simpson ueber friends hii bis zum the da vinci code haet mer alles choenne luege, und denn jensti folge vode serie... hmmm, hoffe dasi daenn ufem heiweg meh verstahn bi de englische serie... =) aber the da vinci code und diversi anderi moderni spielfilm (fluch der karibik I und II) sind uf duetsch xii, aber bim da vinci code bini irgendwo zwueschet de 20. minute und em schluss igschlafe... so bini bi dem flug au no oepe uf mini 7 stund schlaf cho... ;) de fluuug susch isch eig no ganz okay xii... :)

in sydney glandet ischs mer denn s'erst mal richtig warm ums herz worde... aber jetz, wohii? ja nimmsch mal de zug richtig city... hmm, isch das nebel oder was isch das graue da usse? SCHOCK, es regned... shit mit dem hani voll noed graechnet... also rage ischs ja noed xii, es haet scho chli graegnet, aber mer isch noed nass debii worde... =) riese satz ich weiss, aber es isch ehner liechte raege xii, im gaegesatz zum schwerfaellige ide schwiiz... ;)