ich (churz) vor australie...

...bald isch's so wiit

(27.1o.o6) jaja lütli's, so isches. schnäll isch zit vergange, und sie wird witer laufe... au die nögste vier mönet werdet im fluug verbii gah, obwohl ich's mir gar nonig so rächt cha vorstelle! ich weiss mal no woni de dave (go http://cardosoworld.blogspot.com) 10 täg vor sinere abreis gfrögt han öb er sich freut, er häts mer nöd chönnä säge, und ich ha das nöd so rächt verstande... aber HÜT verstah di dave! =) es isch sones struubs gfühl, i wenige täg wirdi weg sii und ich ha kei ahnig was uf mich zue chunnt, aber ich bin überzoge es chunnt guet! :)

the day is come to say good bye (my lover's)...

es isch so wiit, i wenige stund wird ich in flüger istiege und d’schwiz hinder mir lah. solangs nur d’schwiz wär, isch ebe scho chli meh... ja mini liebe, werded mer bestimmt fehle... nachdems gester im divus no e chlini abschiedsparty geh hät, (merci das ihr alli cho sind, hät mi mega gfreut!) bini hüt morge scho rächt früäh uf xii, ha no einiges vor mir gha, so wie au jetzt de letsti bricht vo de schwiz us z’schriebe... aber wie ich de bricht da is netz bringe mussi no luege, s’internet gaht dihei sit hüt morge nümä, usgrächnet hüt... toll hä... und ja, mini sache sind immernonig vollständig packt, weltklass... ;) aber das wird sich im verlauf vom tag glaub schono ändere...

es isch es komischs gfühl, eifach alles hindere im z’lah, zum teil hani z’gfühl ich realisiers nonig ganz, hüt abig wird ich eifach „tschüss“ sii… und das für 4 mönet, aber was sind scho 4 mönet vome läbe? Ich wür mal säge nixXx... naja, eigentlich ganz eifach xeit... ha mer aber au sicher i letster ziit gedanke gmacht öbs de richtig ziitpunkt isch? öb 4 mönet nöd z’lang sind? aber im endeffekt werded dänn die 4 mönet no z’wenig sii (nöd dasi nögst jahr gad wieder gang, hani eigentlich nöd vor:) und de ziitpunkt het nöd chönnä besser sii... wänn ich mal dänke das z’australie unne jetzt dänn de summer afangt wird mer gad warm ums herz! aber es sind halt glich gedanke wo mer macht, verallem wänns um’s ciao säge gaht, isch nöd immer liecht... aber das gfühl muss mer glaub eifach mal sälber erläbt ha, ich dänk das wird e riese erfahrig für mich... eifach i die gross welt use z’gah...

langsam aber sicher wird’s ernst... de koffer isch zwar nonig ganz bereit, aber es fehlt nümä viel... es fröged all woni xeh, bisch nervös? hmm, nervös wer übertriebe, aber langsam nimmts zue... es gwüsses chribele macht sich langsam aber sicher breit! aber nur kei panik, es wird scho irgendwie müssä gah... ;) es komischs gfühl hani voher gad erläbt, woni uf de bank xii bin und mini erste australische dollar id händ becho han... uuuhhh... :)

ja so isches… aber so wird’s nöd immer bliebe, denn ich chume wieder. ich wünsch eu allne alles alles gueti, passed uf eu uf und mer xeht sich im o7 wieder... hehe, ich wünsch eu nöd jetzt scho schöni wiehnachte und en e guets neus, wird dänn mal ime blog (bricht) vo australie unne cho, dänki jetzt mal, sofern ich’s nöd vergiss! ;) natürlich freu ich mich au immer über en bitrag im „gästebuech“ us de schwiz... ;)

macheds guet und bis bald...

eue michael

michi, sohn, brüäder, göttibuäb, cousin, michi jackson, berni, berdi, bernardo, hardi u.s.w. ;)
alias „my-keey“

ich (nonig) in australie...

aller anfang ist schwer...

...ja und so isches au mit em erste bricht wo ich eu vor minere abreis "vermittle"! ich verzell eu jetzt eifach mal wie's sowit cho isch das ich eu vom 2te November ahh für 4 mönet "im stich" lahn. s'ganze het ja eigentlich erst nögsti jahr söllä z'stand cho, zerst australie - zu mis englisch z'verbessere - und nacher gad uf barcelona go spanisch lerne, woni ja au mal no möcht... uf all fäll isch mer das dänn gad chli viel xii und ich han e anderi lösig xuecht... und wer suecht de gfind ja bekanntlicherwies au. somit han ich mich enttschlosse vom nov o6 - märz o7 uf australie z'gah, ziel debii, mis englisch "z'perfektioniere" sowie das wunderschönä land mal selber z'erläbe...


d'usfüährig hät dänn folgendermasse usxeh. ich ha mich a diverse ort über d'sprachschuele und d'underkunfte informiert sowie fluug... was use cho isch isch lediglich d'buechig vom fluug! was isch scho es abentüür wo alles scho planmässig organisiert isch? :)

o2.11.o6 zürich - dubai 21:2o-o6:2o Uhr
o3.11.o6 dubai - sydney 1o:oo-o6:55 Uhr

o1.o3.o7 brisbane - dubai 2o:2o-06:15 Uhr
o2.o3.o7 dubai - zürich o8:45-12:35 Uhr

wasi vorhan isch sicher mal e sprachschuel z'bsueche nachdem ich mich dänn mal hoffentlich irgendwo iquartiert han (zumindest für es zitli, bis mer verleidet isch=). aber die sprachschuel wirdi vo dunne us bueche, so hani en bessere überblick (wo "wohn" ich, wo isch die schuel") und cha au gad luege öb sii mer überhaupt "gfallt". im verlauf vode ziit möchti sicher au es paar usflüüg starte, aber was wie wo und wänn xehni dänn, bi ja flexibel. ;)


was erwarte ich vo australie? die frag wott ich eu mal mit es paar bilder beantworte... bilder säged ja bekanntlicherwies meh als 1ooo wort! enjoy it, i'm loving it...!

was mich aber zerst no erwarte isch wohl de abschied vo da/eu, isch chli e struubs gfühl, wänni dänk dasi i 2-3 wuche eifach weg bin... git au immer wieder chli gedanke, verallem nachdem mer wieder mal über australie gred hät. mir schüssed jetzt au gad wieder gedanke dur de chopf, "hey ich 3 weeks bisch du für 4 mönet weg. chunnsch zrug, und niemert kännt di meh" *nei-seich* =) isch halt eifach chli speziell... hüt (1o.1o.o6) z.b. hani nie gross gedanke gha a australie, fast nöd drüber gred, chumi hei vom schaffe und han es mail vom reisebüro... und scho bini wieder voll im australie-fieber! wasi vorher au gad überleiht han, wie halt iiiiichs über 24 stund ide luft uus, ohni gross chönnä bei strecke oder weiss ich was... ich schwümm glaub lieber.

mini nögst station i minere fussballkarriere? =)

© my-keey