aquarium sydney...

...atemberaubend

mittlerwiele bin ich au im aquarium "park" xii, waenn mer dem so cha saege. am afang haet das ganze nachere seeeeeehr langwielige tour usxeh, fischli da, fischli det... naja, tuemer mal abwarte und witer laufe. es krokodil, woooow. also so richtig us de soecke haets mi au nach dem noed ghaue, doch ich han ja gwuesst das es ja no hai soell z'xeh geh, abwarte.

witer gange isch denn zerst mal mit de seeleue, die haet mer vo obe (blick vo obe ufs bassain) wie au vo unne, dur en tunnel choenne besichtige... das isch denn scho spannender xii. wie schnell die doch sind, noed schlecht.

de noegst halt isch daenn endlich bide hai xii... es haet wiederum zwei tunnel gha wo oepe e laengi vo viellicht oepe 25 meter ufgwiese haend. es isch gigantisch xii, eifach mal so ame hai choenne us 10cm distanz id auge luege, xeht doch eigentlich ganz harmlos us... :)

was fuer es glueck ich doch han, so sind die hai gad um die ziit gfuetteret worde wo ich det xii bin. allerdings sind die gar noed hungrig xii... d'taucher haend dene de fisch richtig muesse under d'nase riebe, und waenns denn endlich mal zuebisse haend, haends de fisch glich gad wieder use "gspuckt". aber zum zueluege ischs glich amysant xii...

natuerlich haets idem bassain noed nur hai sondern no jensti anderi oceanbewohner gha, zum bisepiel au e riese schildchroot... wo allerdings sehr bewegigs fuul xii isch, allerdinx haet sie denn am schluss glich no e tour schwuemm tour gmacht...

zum abschluss vode tour haets denn no en chline vorgschmack ufs great barrier reef geh, wo ich daenn am schlus vo minere "tournee" bestimmt au no wird go bsueche, uf das freuii mi huet scho. witeri detail zu dem spoeter... waenn ichs denn saelber erlaebt han. ;) fuer die wo wiederum alles chli gnauer waennd wuesse hani da no de link: http://www.sydneyaquarium.com.au/ viel spass...

sooo, mittlerwiele isch au scho mies (vorussichtlich) letste weekend praktisch verbii, und es isch noed soo das wahre xii was waetter abelangt, haets doch gester namittag und huet morge graegnet. aber mer cha ja neod immer alles ha... heehee, haet glich no oepis "speziells" geh, so han ich doch gester im usgang die erste paar schwiizer in sydney kaenneglernt sit ich da bin! die sind grad mal e wuche da und kaened scho jensti schwizer. aber haet richtig guet tah wiedermal choenne schwizerduetsch z'rede... ;)